vinningar shark atlantic 2012

 

1. Gávukort frá Jógvan Weihe Kr. 10.000,-

2. Gávukort frá Bátatænastuni Kr. 10.000,-

 

Stuðlar til kappingina eru:

 

 

 

Tilmelding:
Heini Weihe, tlf. 794360,
teldupostur: hwe@nema.fo

Luttøkugjaldið er kr. 500,- sum skal setast inn á
konto nr.  9181-154.793.5 í EIK.
Viðmerkjast skal navn á lutakara og shark atlantic 2012.

Mail skal sendast til hwe@nema.fo  við fullum navni og mynd av luttakara soleiðis at vit kunna upprætta ein profil av øllum luttakarum.

Tá ið vit hava vátta inngjaldið ert tú við í kappingini. Tað vil altíð vera ein fyrimunur at gjalda í góðari tíð. Og ikki sama dag sum fari verur út at fiska.

 

 

Kappingarreglar:

Orsøkin til allar reglarnar er, um vit sláa heimsmeti í hemara so standa vit mát við altjóða reglur.


Fiskiøki:
Alt havøkið kring Føroyar

Generelt:
Fyrireikarin skal hava boð so skjótt sum hemarin er fingin.
Tað skal takast mynd av fongi og veiðumanni/kvinnu. Og tað skal gerast við digitalum tóli, og helst skal tað filmast.

Fiskimaðurin/kvinnan kann ikki fáa hjálp frá øðrum við at møða hemaran.
Um eingin mynd er tikin verur fiskurin diskvalifiseraður.

Hemarin skal vigast á alment góðkendari vekt, og um hann er fingin á fastlandinum skal hann, um til ber, vigast úti á Sjósavninum

Ein óvildigur limur í kappingini skal vera við tá fongurin verður vigaður.
Longsta mát og mát um búkin, har hann er feitast, skal uppgevast.

Fyriskiparin skal, um neyðugt, hava dorgina og 5 metur av høvuðslínuni til kanningar.

Veiðutíð: 1. Februar 2012 til 31 Januar 2013, báðir dagar íroknaðir

Útgerð:
Tað er einki mark fyri hvussu nógvar tráður vera nýttar.
Nýtsla av El/Hydraulik spælum er forboði.

Høvuðslínan á spælinum má ikki vera sterkari enn 60 kg
Weir teinurin má ikki vera longur enn 9 metrar.
Tað er ikki loyv at brúka meir enn 2 húkar til hvønn weir teinin. Frástøðan millum hesar húkar má ikki vera meir enn 20 cm.

Agn:

Tað er loyvi at nýta øll sløg av fiskaagni, og kunnu tey nýtast livandi.
Tað er ikki loyv at nýta súgdjór til agn, ella partar av súgdjórum

Útgerð:
Ein tráða í vektklassanum 30 til 80 lbs, sjálvur dámar mær best 30-50 lbs
Eitt spæl sum tekur 400-800 m av 60-80 lbs nylon ella flætta. Eg vil anbefala at brúka nylon, tí tað er somikið av elastikki í, ella í øllum førum 30 m av nylon aftaná veirin. Tað er ikki uttan orsøk at tað flest allir Big Game bátar nýta nylon.

Um tit velja at brúka flætta línu, so vil eg ráða til at brúka 30 - 100 m av mono í klassa 80-100 lbs

4-5 metrar av 1.8 mm wire.
Svøvlar, sum bera 300-500lbs

Hvussu:
Hátturin at fiska hemara er einkul.

Tú egnur við einum seiði, síli, laksi, toski....ja møguleikarnir eru nógvir. Men høvuðssakin er, at ikki brúka størri agn enn 20-30 cm.
Eisini er møguligt at brúka livandi agn. Hettar gerð man við at stinga eina bukt ígjøgnum eyguni á fiskinum og binda buktin fasta í húkin

Dyrgja:
Tú dyrgir fram við landinum og frástøðan frá landi skal vera eini 50-500 m.
Agni skal vera 40-60 metrar aftanfyri bátin. Ferðin skal liggja um 2-3 míl
Og best er, um tað ber til at leggja agnini á ymsum dýbdum.

Reka:
Ein av møguleikunum er at reka sftir hemara. Tað er sama metoda sum línufiskarir gera. Best er um man hevur 3-4 tráður og setur agni á ymsum dypum. Til dømi kann man seta fyrstu tráuna á 10 m, næstu á 20m og triðju á 30m.
Men ein tummil er at leggja agnini mitt í sjógvin og uppeftir
Tá man rekur er gamaní at fiska tosk o.a, fyri eisini at lokka hemaran til bátin

Liggja fyri akker:
Tað er eisini ein nógv brúkt metoda. Tá setur tú agni sum tá tú rekur, frá mitt í sjónum og uppeftir
Um tú hevur eitt gott hemaramið tætt við land er gamaní at kasta akker, og gjara nógv út. Gjaringin rekur so við streyminum og lokkar hemaran til.
Eisini er gott at skera smáar bitar av fiski og blaka út. Hesir søkka spakuliga móti botninum

Hvar:
Tað hevur víst seg, at hemari dámar best har tað rekur hart. Ella tætt uppat, tí hann liggur ofta í einari afturundirgerð.
Tað vil siga um nes og tangar.

Tað nýggja er at brúka gummifiskar at dyrgja við, sum td storm ella herring cutbait

Góða eydnu